ຢືນຢັນ ເປັນຊາວຫວຽດນາມ ບໍ່ແມ່ນຊາວຈີນ

ສຳນັກຂ່າວຕ່າງປະເທດລາຍງານຈາກນະຄອນລອນດອນປະເທດອັງກິດ ເມື່ອວັນທີ່ 2 ພະຈິກ 2019 ວ່າ ສືບເນື່ອງຈາກເຫດການສະເທືອນຂວັນທີ່ເປັນການພົບລົດບັນທຸກຕູ້ແຊ່ແຂງຊື່ງພາຍໃນມີສົບອັດແຫນ້ນຢູ່ 39 ສົບ ແບ່ງເປັນຊາຍ 31 ສົບ ແລະຍິງ 8 ສົບ ບໍລິເວນລານຈອດລົດຂອງນິຄົມອຸດສາຫະກຳທີ່ເມືອງເກຣຍ ໃນເຂດເອສເຊັກຊທາງຕາເວັນອອກສຽງໃຕ້ຂອງອັງກິດເມື່ອວັນທີ່ 23 ຕຸລາທີ່ຜ່ານມານັ້ນ

ສຳນັກງານຕຳຫຼວດເອສເຊັກຊອອກຖະແຫຼງການເມື່ອວັນສຸກວ່າຜົນການສັນນະສູດໃນເບື້ອງຕົ້ນປະກອບກັບການກວດສອບຫລັກຖານທັງຫມົດທີ່ຕິດໂຕມາກັບຜູ້ເສຍຊີວິດເຮັດໃຫ້ເຈົ້າຫນ້າທີ່ເຊື່ອວ່າຜູ້ເສຍຊີວິດທັງຫມົດເປັນຊາວຫວຽດນາມ ຫລັງກ່ອນຫນ້ານັ້ນມີການຕັ້ງຂໍ້ສົງໄສວ່າເປັນຊາວຈີນ ຢ່າງໃດກໍ່ຕາມ ເຈົ້າຫນ້າທີ່ຍັງໄດ້ຮັບ ຫລັກຖານສຳຄັນ ເພື່ອການລະບຸເອກລັກສະນະຂອງຜູ້ເສຍຊີວິດໂດຍສະເພາະຊື່ຂອງແຕ່ລະຄົນບໍ່ຄົບ ແຕ່ໄດ້ປະສານງານຢ່າງໃກ້ຊິດ ແລະເປັນການດ່ວນທີ່ສຸດໄປຍັງຫວຽດນາມ ຜ່ານສະຖານເອກອັກຄະລັດຖະທູດໃນນະຄອນລອນດອນ ແລະຊຸມຊົນຊາວຫວຽດນາມໃນອັງກິດແລ້ວ ຂະນະທີ່ສາເຫດຂອງການເສຍຊີວິດຍັງບໍ່ມີການເປີດເຜີຍຢ່າງເປັນທາງການ ຫລັງມີລາຍງານວ່າກ່ອນລົດບັນທຸກຄັນນີ້ມາຈອດທີ່ເມືອງເກຣຍນັ້ນໄດ້ເດີນທາງຂ້າມຊາຍແດນຈາກເບລຢຽມຜ່ານບໍລິການເຮືອເຟີຣີ ຊື່ງໃຊ້ເວລາປະມານ 9 ເຖິງ 12 ຊົ່ວໂມງ

ໃນວັນດຽວກັນ ຕຳຫຼວດໄອຣແລນຈັບກຸມທ້າວເອມອນ ແຮຣິສັນ ຊາວໄອຣແລນເຫນືອອາຍຸ 22 ປີ ຕາມຫມາຍຈັບລະຫວ່າງປະເທດຂອງອັງກິດ ຖານຕ້ອງສົງໄສພົວພັນກັບຄະດີລົດບັນທຸກມໍລະນະຄັນນີ້ ຊື່ງສານໄຮຄອຕໃນນະຄອນດັບລິນສັ່ງຄວບຄຸມໂຕແຮຣິສັນໄວ້ກ່ອນເຖິງວັນທີ່ 11 ພະຈິກນີ້ ກ່ອນດຳເນີນການສືບສວນຂັ້ນຕໍ່ໄປ ຊື່ງອາດລວມເຖິງການສົ່ງໂຕກັບໄປດຳເນີນຄະດີທີ່ອັງກີດ ຊື່ງຄຸມຂັງຜູ້ຕ້ອງຫາໄວ້ແລ້ວ 1 ຄົນ ຄືທ້າວມໍຣິສ ໂຣບິນສັນ ອາຍຸ 25 ປີ ຊາວໄອຣແລນເຫນືອເຊັ່ນກັນ ໂດຍໂຣບິນສັນຊື່ງເປັນຄົນຂັບລົດບັນທຸກມໍລະນະຕົກເປັນຜູ້ຕ້ອງຫາໃນຄະດີອາຍາລວມ 43 ຂໍ້ຫາ ແບ່ງເປັນ 39 ຂໍ້ຫາໃນຂໍ້ຫາຄາດຕະກຳສ່ວນອີກ 3 ຂໍ້ຫາ ຄືຂໍ້ຫາສົມຄົບຄິດຄ້າມະນຸດ ສົມຄົບຄິດລັກລອບນຳບຸກຄົນເຂົ້າເມືອງ ແລະມີສ່ວນຮ່ວມໃນການຟອກເງີນ

ໃນອີກດ້ານຫນື່ງ ກະຊວງຄວາມປອດໄພສາທາລະນະຂອງຫວຽດນາມຈັບກຸມຊາຍ 2 ຄົນ ຕ້ອງສົງໄສເປັນນາຍຫນ້າຂອງຂະບວນການຄ້າມະນຸດລະຫວ່າງປະເທດຄັ້ງນີ້ດ້ວຍ ແຕ່ຍັງບໍ່ມີການເປີດເປີຍຂໍ້ມູນເພີ່ມເຕີມວ່າເປັນໃຜ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *