ປະຊາຊົນຫລາຍຮ້ອຍລ້ານຄົນທົ່ວໂລກ ຢູ່ໃນຄວາມສ່ຽງທີ່ຈະສູນເສຍບ້ານເຮືອນທີ່ຢູ່ອາໄສ

ສຳນັກຂ່າວຕ່າງປະເທດລາຍງານ ເມື່ອວັນທີ 30 ຕຸລາ 2019 ວ່າ ປະຊາຊົນຫລາຍຮ້ອຍລ້ານຄົນທົ່ວໂລກຕົກຢູ່ໃນຄວາມສ່ຽງທີ່ຈະສູນເສຍບ້ານເຮືອນທີ່ຢູ່ອາໃສ ຂະນະທີ່ເມືອງທັງເມືອງຈົມຢູ່ລຸ່ມນ້ຳ ເນື່ອງຈາກລະດັບນ້ຳທະເລສູງຂື້ນ ໃນ 30 ປີຂ້າງຫນ້າໂດຍຜົນການສຶກສາວິໄຈໃຫ່ມທີ່ຕີພິມໃນວາລະສານ The Journal Nature Communications ພົບວ່າ ວິກິດສະພາບອາກາດທີ່ປ່ຽນແປງຢ່າງຮຸນແຮງເຮັດໃຫ້ຄາດວ່າລະດັບນ້ຳທະເລທົ່ວໂລກຈະສູງຂື້ນເຖິງ 2-7 ຟຸດ ຫລືປະມານ 0.6 – 2.1 ແມັດ ແລະບາງທີ່ອາດສູງກວ່ານີ້ ພາຍໃນສະຕະວັດທີ່ 21

ຂ່າວຍັງເຜີຍວ່າ ການພົບຄັ້ງນີ້ ຊື່ງອາໄສຂໍ້ມູນໃຫ່ມ ແລະປັນຍາປະດິດຖືເປັນການຄາດປະມານພື້ນທີ່ ແລະຈຳນວນປະຊາກອນທີ່ຕົກຢູ່ໃຕ້ຄວາມສ່ຽງຈາກລະດັບນ້ຳທະເລສູງຂື້ນ ຫລາຍກວ່າການຄາດການກ່ອນຫນ້ານີ້ເຖີງເກືອບ 3 ເທົ່າ ໂດຍໃນປີ ຄສ 2050 ຫລື 31 ປີຂ້າງຫນ້າ ຄາດວ່າ ແຜ່ນດິນຊື່ງເປັນທີ່ຕັ້ງຂອງບ້ານເຮືອນປະຊາຊົນປະມານ 300 ລ້ານຄົນ ຈະຢູ່ຕ່ຳກວ່າລະດັບສູງຂອງນ້ຳຖ້ວມ ສະເລ່ຍຕໍ່ປີ ແລະຫມາຍເຖິງຜູ້ຄົນນັບ 300 ລ້ານຄົນອາດປະເຊີນກັບນ້ຳຖ້ວມສູງຢ່າງຫນ້ອຍປີລະຫນື່ງຄັ້ງໃນປີ 2100 ແລະຜືນດິນຊື່ງເປັນທີ່ຕັ້ງຂອງບ້ານເຮືອນຜູ້ຄົນນັບ 200 ລ້ານຄົນອາດຢູ່ຕ່ຳກວ່າແນວຄື້ນຢ່າງຖາວອນ

ທ່ານເບນຈາມິນ ສະເຕຣາສ ຫນື່ງໃນຜູ້ຂຽນລາຍງານການສຶກສານີ້ ແລະຍັງເປັນ CEO ຂອງອົງກອນທີ່ເຮັດວຽກໂດຍບໍ່ສະແຫວງກຳໄລ ‘Climate Central’ ຊີ້ວ່າ ຜົນກະທົບຈາກການປ່ຽນແປງຂອງສະພາບອາກາດຢ່າງຮຸນແຮງ ຊື່ງເຮັດໃຫ້ທາດນ້ຳກ້ອນລະລາຍ ແລະເກີດນ້ຳຖ້ວມສູງເກີນກວ່າທີ່ຄິດໄວ້ເຊັ່ນນີ້ ຈຳເປັນຕ້ອງດຳເນີນມາດຕະການຢ່າງທັນທີເພື່ອຫຼີກລ້ຽງບໍ່ໃຫ້ເກີດຫາຍະນະຕໍ່ເສດຖະກິດ ແລະມານຸດຊາດ

ຕາມລາຍງານຂອງຜົນການສຶກສາໃຫ່ມ ຍັງພົບວ່າເມືອງຕ່າງໆທີ່ຢູ່ແຄມຊາຍຝັ່ງທະເລອາດຈົມຢູ່ລຸ່ມນ້ຳ ຖ້າບໍ່ມີການສ້າງເຂື່ອນປ້ອງກັນຢ່າງພຽງພໍ ໂດຍປະຊາຊົນປະມານ 70% ທີ່ສ່ຽງປະສົບໄພນ້ຳຖ້ວມ ແລະຖືກນ້ຳຖ້ວມຢ່າງຖາວອນ ຄືຜູ້ຄົນທີ່ອາໄສຢູ່ໃນເອເຊຍ 8 ປະເທດ ໄດ້ແກ່ ຈີນ ບັງກາລາເທດ ອິນເດຍ ຫວຽດນາມ ໄທ ຟີລິບປິນ ແລະຍີ່ປຸ່ນ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *