ໂອນເງິນຂ້າມແດນກັບກຸງສີ 23 ວິນາທີ ກໍ່ສາມາດໂອນໄດ້ແລ້ວ

ທະນາຄານກຸງສີອະຍຸທະຍາ ຈຳກັດ ມະຫາຊົນ ຖືໄດ້ວ່າເປັນທະນາຄານລະດັບແຖວໜ້າຂອງປະເທດໄທ ແລະ ໄດ້ຂະຫຍາຍສາຂາການບໍລິການເຂົ້າມາໃນປະເທດລາວ ເນື່ອງຈາກໄດ້ເລັ່ງເຫັນເຖິງການຄ້າ ແລະ ການລົງທຶນລະຫວ່າງໄທ- ສປປ ລາວ ເຕີບໃຫຍ່ ແລະ ມີມູນຄ່າຢ່າງຕໍ່ເນື່ອງ ດັ່ງນັ້ນກຸງສີຈິ່ງໄດ້ນໍາເອົານະວັດຕະກຳທາງການເງິນມາໃຊ້ເພື່ອສະໜັບສະໜູນການເຮັດທຸລະກິດການຄ້າລະຫວ່າງສອງປະເທດ ໂດຍທະນາຄານໄດ້ເປີດໂຕ Krungsri Blockchain Interledger ທີ່ຈະຊ່ວຍອຳນວຍຄວາມສະດວກໃຫ້ກັບຜູ້ປະກອບການທຸລະກິດໄທ – ສປປ ລາວ ໃຫ້ສາມາດໂອນເງິນລະຫວ່າງປະເທດໄດ້ສຳເລັດພາຍໃນເວລາບໍ່ເທົ່າໃດວິນາທີ


ຄັ້ງວັນທີ 28 ຕຸລາ 2019 ທີ່ຜ່ານມານີ້ ກຸງສີ ( ທະນາຄານກຸງສີ ອະຍຸທະຍາ ຈຳກັດ ມະຫາຊົນ ) ໄດ້ເປີດໂຕການບໍລິການ Krungsri Blockchain Interledger ເຊິ່ງເປັນການໂອນເງິນຈາກ ສປປ ລາວໄປຍັງປະເທດໄທ ແບບທັນເຫດການ ເຊິ່ງຮອງຮັບທັງສະກຸນເງິນໂດລາ ແລະ ບາດ. ຊ່ວຍສະໜັບສະໜູນທຸລະກິດການຄ້າໄປ – ສປປ ລາວ ເພື່ອເພີ່ມຂໍ້ຄ່ອງໂຕໃຫ້ກັບທຸລະກິດແບບໄຮ້ພົມແດນ


ທ່ານ ແດນ ຮາດໂຊໂນ ປະທານກຸ່ມທຸລະກິດລູກຄ້າຍ່ອຍ ແລະ ລູກຄ້າບຸກຄົນ ຂອງທະນາຄານກຸງສີໄດ້ກ່າວວ່າ: ປັດຈຸບັນທະນາຄານກຸງສີມີສາຂາຢູ່ໃນ ສປປ ລາວ ຈຳນວນ 2 ສາຂາໄດ້ແກ່ ນະຄອນຫຼວງວຽງຈັນ ແລະ ສະຫວັນນະເຂດ ແລະຍັງມີການດຳເນີນທຸລະກິດເຊົ່າຊື້ລົດຍົນ ແລະ ສິນເຊືອເພື່ອຜ່ອນຊຳລະໃຫ້ແກ່ລູກຄ້າລາຍຍ່ອຍ ແລະ ລູກຄ້າທຸລະກິດໃນປະເທດລາວພາຍໃຕ້ຊື່ : ກຸງສີລິດຊິງ

ດັ່ງນັ້ນການເປີດໂຕຂອງນະວັດຕະກຳໃໝ່ Krungsri Blockchain Interledger ນີ້ຈະຊ່ວຍຂັບເຄື່ອນພາກທຸລະກິດໄທ – ສປປ ລາວໃຫ້ຂະຫຍາຍໂຕ ແລະ ເຕີບໃຫຍ່ໄດ້ວ່ອງໄວຍີ່ງຂຶ້ນ. ທັງນີ້ ນະວັດຕະກໍາ Krungsri Blockchain Interledger ຂອງກຸງສີຍັງໄດ້ສ້າງການປ່ຽນແປງຄັ້ງສໍາຄັນໃນພູມິທັດທາງການເງິນສໍາຫລັບພາກທຸລະກິດ. ເຊິ່ງມັນໄດ້ຊ່ວຍໃຫ້ການຊື້-ຂາຍລະຫວ່າງ 2 ປະເທດມີຄວາມວ່ອງໄວຫຼາຍຂຶ້ນ ແລະ ຍັງຕອບສະໜອງເປັນຢ່າງດີແກ່ລູກຄ້າທີ່ໃຊ້ບໍລິການ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *