ຈີນ ປະສົບຄວາມສຳເລັດໃນການບິນທົດລອງ ເຮືອບິນໄຟຟ້າ 4 ບ່ອນນັ່ງ

ສຳນັກຂ່າວຊິນຫົວລາຍງານເມື່ອວັນຈັນທີ່ 28 ຕຸລາ 2019 ວ່າ ອາຣເອັກຊ 4 ອີ (RX4E) ເຮືອບິນໄຟຟ້າ 4 ບ່ອນນັ່ງ ຊື່ງຈີນພັດທະນາຂື້ນເອງເປັນລຳທຳອິດໄດ້ຂື້ນບິນເປັນຄັ້ງແລກແລະປະສົບຄວາມສຳເລັດຢ່າງງົດງາມໃນເມືອງເສິ່ນຢາງ ທາງພາກຕາເວັນອອກສຽງເຫນືອຂອງຈີນ


ເຮືອບິນລຳນີ້ຖືກພັດທະນາໂດຍສະຖາບັນການບິນທົ່ວໄປຫລຽວຫນິງ (LGAA) ມີນ້ຳຫນັກ 1.200 ກິໂລກຼາມ ຄວາມຍາວ 8.4 ແມັດ ສ່ວນຄວາມຍາວຈາກປາຍຂອບປີກດ້ານຫນື່ງເຖິງຂອບນອກປີກອີກດ້ານຫນື່ງຢູ່ທີ່ 13.5 ແມັດ ມີພິໄສບິນ 300 ກິໂລແມັດ ແລະສາມາດບິນໄດ້ປະມານຫນື່ງຊົ່ວໂມງເຄີ່ງຕໍ່ຫນື່ງຖ້ຽວບິນ

ທ່ານຈ້າວ ເຖ່ຍຫນານ ຮອງຜູ້ອຳນວຍການສະຖາບັນການບິນລະບຸວ່າ RX4E ໃຊ້ເສັ້ນໄຍຄາບອນ (Carbon fiber) ເປັນວັດສະດຸປະກອບ ແລະມີນ້ຳຫນັກເບົາຫລາຍ ເຮັດໃຫ້ສາມາດຂື້ນບິນໄດ້ຈາກເດີນຫຍ້າແຂງ ແລະຫົນທາງຮົກ


ທ່ານຈ້າວ ກ່າວຕື່ມວ່າ ເຮືອບິນ RX4E ມີໂອກາດທາງຕະຫລາດສູງ ເນື່ອງຈາກເຮືອບິນລຸ້ນນີ້ສາມາດໃຊ້ປະໂຫຍດໄດ້ໃນຫລາຍສາຂາ ເຊັ່ນການຂົນສົ່ງໄລຍະໃກ້ ການເຝິກບິນ ການຊົມທັດສະນີຍະພາບ ການຖ່າຍພາບທາງອາກາດ ແລະການເຮັດແຜນທີ່ທາງອາກາດ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *