ກະຊວງປ້ອງກັນປະເທດອາເມຣິກາ ປະກາດດູແລບໍ່ນ້ຳມັນໃນພາກເຫນືອຊີເຣຍ

ສຳນັກຂ່າວຕ່າງປະເທດລາຍງານຈາກນະຄອນວໍຊິງຕັນປະເທດອາເມຣິກາ ເມື່ອວັນທີ່ 28 ຕຸລາ 2019 ວ່າ ທ່ານມາຣຄ ເອສເປີ ລັດຖະມົນຕີກະຊວງປ້ອງກັນປະເທດອາເມຣິກາ ຖະແຫຼງທີ່ອາຄານເພນຕາກອນຊື່ງເປັນສຳນັກງານໃຫ່ຍຂອງກະຊວງປ້ອງກັນປະເທດ ໃນນະຄອນວໍຊິງຕັນ ເມື່ອວັນຈັນວ່າການເສຍຊີວິດຂອງທ່ານອາບູ ບາກາຣ ອັລ-ບັກຫດາດີ ຜູ້ນຳສູງສຸດຂອງກຸ່ມໄອເອສ ຈະສ້າງແຮງກະຕຸ້ນຄັ້ງໃຫ່ຍ ແລະຄວາມສັບສົນວຸ້ນວາຍໃຫ້ກັບກຸ່ມກໍ່ການຮ້າຍກຸ່ມນີ້ ທີ່ສູນເສຍພື້ນທີ່ຢຶດຄອງໃນຊີເຣຍ ແລະອີຣັກໄປແລ້ວເກືອບທັງຫມົດ

ຂະນະດຽວກັນ ທ່ານເອສເປີ ກ່າວເຖິງກອງທັບ ແລະກອງກຳລັງ ຈາກຫລາຍປະເທດ ແລະຫລາຍຊົນເຜົ່າ ຊື່ງກຳລັງສູ້ຮົບກັນເພື່ອຍາດແຍ່ງພື້ນທີ່ໃນພາກເຫນືອຂອງຊີເຣຍ ຊື່ງເປັນແຫຼ່ງຊັບພະຍາກອນສຳຄັນຂອງກອງທັບອາເມຣິກາໃນຊີເຣຍວ່າຈິງຢູ່ທີ່ພາລະກິດສຳຄັນຂອງກອງທັບອາເມຣິກາໃນຊີເຣຍຄືການກວາດລ້າງກຸ່ມໄອເອສ ແລະບັນລຸເປົ້າຫມາຍສຳຄັນແລ້ວ ນັ້ນຄືການເສຍຊີວິດຂອງທ່ານບັກຫດາດີ ແມ່ນວ່າບໍ່ໄດ້ເປັນຝີມືຂອງຫນ່ວຍຮົບພິເສດອາເມຣິກາໂດຍກົງກໍ່ຕາມ ແຕ່ເປັນຜົນຈາກການກົດດັນຢ່າງຫນັກຂອງທະຫານອາເມຣິກາ ຈົນສົ່ງຜົນໃຫ້ອີກຝ່າຍຈູດລະເບີດຂ້າໂຕຕາຍພ້ອມລູກຊາຍອີກ 3 ຄົນ

ທ່ານເອສເປີກ່າວຕໍ່ໄປວ່າ ຕະຫຼອດໄລຍະເວລາທີ່ຜ່ານມາກຸ່ມໄອເອສສ້າງລາຍໄດ້ມະຫາສານ 30 ເຖິງ 45 ລ້ານດອລລາຕໍ່ເດືອນຈາກການລັກລອບນຳນ້ຳມັນໃນຊີເຣຍອອກໄປຂາຍໃນຕະຫລາດມືດ ໂດຍສະເພາະໃນເຂດທາງເຫນືອຊື່ງເປັນພື້ນທີ່ອິດທິພົນຂອງກອງກຳລັງປ້ອງກັນຕົນເອງຊາວເຄິຣດ ເມື່ອຜູ້ສື່ຂ່າວຊັກຖາມວ່ານັບຈາກນີ້ນ້ຳມັນເຫຼົ່ານັ້ນ ຈະເປັນຂອງໃຜ ທ່ານເອສເປີໃຊ້ຄຳວ່າ ອາເມຣິກາຈະເປັນຜູ້ດູແລ ຈົນກວ່າຈະຫມັ້ນໃຈໄດ້ເຕັມຮ້ອຍວ່າວາຍພີຈີຈະສາມາດກັບເຂົ້້າມາໃນບໍລິເວນນີ້ໄດ້ອີກຄັ້ງ ແລະເພື່ອປ້ອງກັນບໍ່ໃຫ້ສະມາຊິກກຸ່ມໄອເອສບາງສ່ວນທີ່ຍັງຄົງຫລົບຫນີກັບມາຍາດແຍ່ງນ້ຳມັນເຫຼົ່ານີ້

ທັງນີ້ ປະທານາທິບໍດີໂດນັລ ທຣັມ ກ່າວຫລາຍຄັ້ງເມື່ອອາທິດຜ່ານມາ ກ່ຽວກັບປະເດັນແຫຼ່ງນ້ຳມັນໃນພາກເຫນືອ ແລະພາກຕາເວັນອອກຂອງຊີເຣຍ ຈາກການທີ່ວາຍພີຈີຕ້ອງຖອຍອອກຈາກພື້ນທີ່ຕາມຂໍ້ຕົກລົງກັບຣັດເຊຍ ແລະຕຸຣະກີ ເຊັ່ນດຽວກັບທະຫານອາເມຣິກາ ແຕ່ຜູ້ນຳອາເມຣິກາ ກັບຄຳ ດ້ວຍການປະກາດຄົງກຳລັງທະຫານໄວ້ບາງສ່ວນ ແລະເສີມກຳລັງຊຸດໃຫ່ມຈາກພາຍນອກ ຮຽກສຽງວິຈານຢ່າງຫນັກຈາກຫລາຍຝ່າຍລວມເຖິງຣັດເຊຍວ່າເປັນການ ປຸ້ນຊັບພະຍາກອນຂອງຊີເຣຍແບບຫນ້າຕາເສີຍ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *