ກອງພັນໃຫຍ່ 11 ເປີດຊຸດອົບຮົມ – ຫັດແອບ ປະຈຳປີ 2021

ໃນວັນທີ 16 ກຸມພາ 2021 ນີ້, ກອງພັນໃຫຍ່11 ໄດ້ຈັດຕັ້ງ ເປີດຊຸດອົບຮົມ-ຫັດແອບການທະ ຫານ, ການເມືອງ, ພະລາທິການ ແລະ ເຕັກນິກ ປະຈໍາປີ 2021 ຂຶ້ນພາຍໃຕ້ການເປັນປະທານ ຂອງ ສະຫາຍ ພົນຕີ ສີດາລໍ່ ຈົ່ງເຕັງເຈ້ຍຊ້າ ກຳມະການຄະ ນະພັກກະຊວງປ້ອງກັນປະ ເທດ ຮອງຫົວໜ້າກົມໃຫຍ່ເສ ນາທິການກອງທັບ ມີຄະນະພັກ- ຄະນະບັນຊາກອງພັນໃຫຍ່ ກອງພັນນ້ອຍ, ມີບັນດາແຂກກົມ ກອງອ້ອມຂ້າງ ພ້ອມດ້ວຍພະ ນັກງານ-ນັກຮົບ ແລະ ທະຫານ ໃໝ່ເຂົ້າຮ່ວມ.

 

ໃນພິທີສະຫາຍ ພັນຕີ ອະນຸ ສິດ ຊູວົງສະຫວັດ ຫົວໜ້າຂະ ແໜງອົບຮົມກອງພັນໃຫຍ່11 ໄດ້ຂຶ້ນຜ່ານແຜນການອົບຮົມ-ຫັດແອບການທະຫານ, ການເມືອງ, ພະລາທິການ ແລະ ເຕັກ ນິກປະຈໍາປີ 2021 ໂດຍປະຕິບັດຕາມຄໍາສັ່ງແນະນໍາຂອງກົມອົບ ຮົມກົມໃຫຍ່ເສນາທິການກອງ ທັບ ວ່າດ້ວຍ ການອົບຮົບ-ຫັດ ແອບ, ປັບປຸງລະບຽບແບບແຜນ, ເຝິກຝົນກໍາລັງແຮງກາຍໃຫ້ນາຍ ແລະ ພົນທະຫານ ໃຫ້ມີແນວຄິດ ການເມືອງໜັກແໜ້ນ, ມີຄວາມ ຮູ້ຄວາມສາມາດດ້ານການທະ ຫານ, ການເມືອງ, ພະລາທິການ ແລະ ເຕັກນິກ ໃນລະດັບທີ່ແນ່ ນອນໂດຍຖືເອົາຄຸນນະພາບເປັນ ຕົ້ນຕໍໃນນີ້ອົບຮົມ-ຫັດແອບພາກ ການເມືອງ 10 ວັນ, ການທະຫານ 130 ວັນ, ພະລາທິການ ແລະ ເຕັກນິກ 10 ວັນ, ອົບຮົມວິຊາ ສະເພາະເຫຼົ່າຮົບຕ່າງໆ 10 ວັນ ການອົບຮົມ-ຫັດແອບ ແມ່ນຈະ ໄດ້ດໍາເນີນເປັນເວລາ 160 ວັນ, ເຊິ່ງໄດ້ແບ່ງອອກເປັນ 2 ໄລຍະ ຄື: ໄລຍະທີ 1 ເລີ່ມແຕ່ເດືອນ ກຸມ ພາຫາ ເດືອນ ພຶດສະພາ ປີ 2021, ໄລຍະທີ 2 ແມ່ນເລີ່ມແຕ່ ເດືອນກໍລະກົດ ຫາ ເດືອນຕຸລາ ປີ 2021 ພ້ອມນີ້ກໍເພື່ອເປັນການ ເຝິກຝົນຫຼໍ່ຫຼອມທະຫານໃໝ່ໃຫ້ ມີລະບຽບວິໄນ, ມີຄວາມອົດທົນ ຜ່ານຜ່າທຸກອຸປະສັກຂໍ້ຫຍຸ້ງຍາກ ນາໆປະການ, ມີແນວຄິດການ ເມືອງໜັກແໜ້ນ, ມີຄຸນສົມບັດ ສິນທໍາປະຕິວັດມີແນວຄິດເພິ່ງ ຕົນເອງ, ກຸ້ມຕົນເອງ ແລະ ສ້າງ ຄວາມເຂັ້ມແຂງດ້ວຍຕົນເອງ ການອົບຮົມ-ຫັດແອບທະຫານ ໃໝ່ໃນຄັ້ງນີ້ແມ່ນເພື່ອໃຫ້ມີຄວາມ ຊໍານິຊໍານານດ້ານສິລະປະຍຸດ-ຍຸດທະວິທີທະຫານຮາບຂັ້ນພື້ນ ຖານ, ຄ່ອງແຄ້ວບັນດາຈັງຫວະ ລະບຽບບຸກຄົນ, ລະບຽບຮູບ ແຖວ, ກີລາການທະຫານ ແລະ ມີ ຄວາມຮູ້ພື້ນຖານທາງດ້ານ 5 ເຕັກ ນິກການແພດ ກໍາໄດ້ທິດສະດີຫຼັກການຄຸ້ມຄອງອາວຸດກະສຸນ ແລະ ສາມາດນໍາໃຊ້ໄດ້ໃນເວລາເຮັດ ໜ້າທີ່ຢູ່ໃນກົມກອງ.

ໂອກາດນີ້, ສະຫາຍ ພົນຕີ ສີດາລໍ່ ຈົ່ງເຕັງເຈ້ຍຊ້າ ກໍໄດ້ໃຫ້ ກຽດໂອ້ລົມກ່ອນອື່ນສະຫາຍກໍ ໄດ້ກ່າວຍ້ອງຍໍຜົນສໍາເລັດທີ່ຄະ ນະພັກ-ຄະນະບັນຊາແຕ່ລະ ຂັ້ນຕໍ່ກັບຜົນງານທີ່ຍາດມາໄດ້ ໃນໄລຍຜ່ານມາ ພ້ອມທັງເນັ້ນ ໜັກໃຫ້ຄະນະພັກ-ຄະນະບັນຊາ ກອງພັນໃຫຍ່ຕ້ອງເອົາໃຈໃສ່ ວຽກງານອົບຮົມ-ຫັດແອບເປັນ ບັນຫາສໍາຄັນລົງໃກ້ສິດຕິດແທດ ກັບພະແນການກົມກອງໃນການຈັດຕັ້ງຫັດແອບ, ເປັນເຈົ້າການ ເຕົ້າໂຮມຄວາມສາມັກຄີໃຫ້ແໜ້ນ ແຟ້ນ, ພະນັກງານສະມາຊິກພັກ-ນັກຮົບແຕ່ລະສະຫາຍຕ້ອງຕື່ນ ຕົວເຂົ້າຮ່ວມການຫັດແອບໃຫ້ ເປັນຂະບວນການຟົດຟື້ນ ແລະ ມີ ຄຸນນະພາບສູງພ້ອມທັງຮັບປະ ກັນໃຫ້ໄດ້ຄວາມປອດໄພ 100%.
ໂດຍ: ປິ່ນ ຂຸນພົນ