ລັດຖະມົນຕີກະຊວງປ້ອງກັນປະເທດ ລົງພົບປະຢ້ຽມຢາມຄະນະຊ່ຽວຊານ ສປ ຈີນ ປະຈຳໂຮງໝໍສູນກາງ 103 ກອງທັບ

ວັນທີ 28 ມັງກອນ 2021 ນີ້, ສະຫາຍ ພົນເອກ ຈັນສະໜອນ ຈັນຍາລາດ ກໍາມະການກົມການ ເມືອງສູນກາງພັກ ລັດຖະມົນຕີ ກະຊວງປ້ອງກັນປະເທດ ລົງພົບ ປະຢ້ຽມຢາມຄະນະຊ່ຽວຊານ ສປ ຈີນ ປະຈໍາໂຮງໝໍສູນກາງ 103 ກອງທັບ, ໂດຍມີ ສະຫາຍ ຈຽງຈາຍຕົງ ເອກອັກຄະລັດ ຖະທູດ ສປ ຈີນ ປະຈຳລາວ, ພ້ອມ ດ້ວຍທີ່ປຶກສາທູດຝ່າຍປ້ອງກັນ ຊາດ ແລະ ຄະນະຊ່ຽວຊານ ສປ ຈີນ ໃຫ້ການຕ້ອນຮັບ. ສະຫາຍ ສຈ ດິວສຸຍຕົງ ຫົວ ໜ້າຄະນະຊ່ຽວຊານ ສປ ຈີນ ປະ ຈໍາ ໂຮງໝໍສູນກາງ 103 ໄດ້ໃຫ້ ຮູ້ວ່າ: ຄະນະຊ່ຽວຊານໄດ້ເດີນທາງມາຮອດນະຄອນຫຼວງວຽງ ຈັນ ໃນວັນທີ 22/9/2020 ໃນ ໄລຍະປະຕິບັດໜ້າທີ່ວຽກງານ ພາຍໃຕ້ການນຳພາ-ຊີ້ນຳຈາກທີ່ປຶກສາທູດປ້ອງກັນຊາດກອງທັບ ປົດປ່ອຍປະຊາຊົນຈີນໃນການ ປິ່ນປົວຄົນເຈັບແບບບໍ່ມີເງືອນໄຂ ແລະ ຂອບເຂດຂອງພະນັກງານ ແພດໝໍຂອງພວກເຮົາ.

 

ເຊິ່ງໄດ້ ເປີດກອງປະຊຸມສ່ອງແສງອາທິດລະຄັ້ງກັບວິຊາການໂຮງໝໍ 103 ມີຄວາມສາມັກຄີ, ສະໜິດສະໜົມ ແລະ ເຮັດໃຫ້ຄະນະຊ່ຽວຊານ ພວກເຮົາໄດ້ປະຕິບັດໜ້າທີ່ຖືກ ຕ້ອງຢ່າງເຂັ້ມງວດກາຍເປັນ ພະນັກງານການທູດຂອງກອງ ທັບລາວ-ຈີນໃນດ້ານການປິ່ນປົວ ແລະ ເສີມຂະຫຍາຍນໍ້າໃຈມະ ນຸດສະທຳທີ່ມີຕໍ່ຄົນເຈັບເປັນຕົ້ນ ແມ່ນການກູ້ຊີບ, ການຜ່າຕັດສຸກ ເສີນ, ການກວດພະຍາດ ແລະ ການປິ່ນປົວພະຍາດ ໂດຍນຳໃຊ້ເຕັກນິກການແພດທີ່ມີຄວາມຊຳນິຊຳນານ, ມີຄຸນະພາບ ແລະ ມີຈັນຍາບັນອັນສູງສົ່ງຂອງພະນັກງານແພດໝໍ ເຊິ່ງມັນສະແດງໃຫ້ ເຫັນເຖິງນໍ້າໃຈຂອງພະນັກງານ ຊ່ຽວຊານຈີນ ແລະ ລາວທີ່ໄດ້ສຸມ ສະຕິປັນຍາຂອງຕົນເຂົ້າໃນການ ປະຕິບັດໜ້າທີ່ການເມືອງຂອງ ຕົນທີ່ສອງຊາດ, ສອງກອງທັບ ລາວ-ຈີນມອບໝາຍໃຫ້ໄດ້ເປັນ ຢ່າງດີ. ເຊິ່ງມັນເປັນການສ້າງ ພື້ນຖານອັນດີໃຫ້ແກ່ການຮ່ວມ ມືທາງດ້ານການແພດຂອງກອງ ທັບລາວ-ຈີນ ຕາມແນວທາງນະ ໂຍບາຍໜຶ່ງແລວທາງໜຶ່ງເສັ້ນ ທາງຮັບຜິດຊອບປິ່ນປົວສຸຂະ ພາບຂອງພະນັກງານ-ນັກຮົບ ແລະ ປະຊາຊົນລາວບັນດາເຜົ່າຮ່ວມກັບໂຮງໝໍສູນກາງ 103.

ໂອກາດດັ່ງກ່າວ ພົນເອກ ຈັນ ສະໜອນ ຈັນຍາລາດ ກໍໄດ້ສະ ແດງຄວາມຍ້ອງຍໍຊົມເຊີຍ ແລະ ມີຄຳເຫັນຕໍ່ຄະນະຊ່ຽວຊານຈີນ ວ່າ: ບັນດາສະຫາຍໄດ້ຫ່າງຈາກ ບ້ານເກີດເມືອງນອນ ແລະ ຄອບ ຄົວມາປະຕິບັດໜ້າທີ່ອັນມີກຽດ ທີ່ພັກ-ລັດມອບໝາຍໃຫ້ເຖິງວ່າ ຈະພົບກັບຄວາມຫຍຸ້ງຍາກຈາກ ການແຜ່ລະບາດຂອງພະຍາດ ໂຄວິ 19 ແລະ ບັນຫາອື່ນໆ ກໍຕາມ ແຕ່ບັນດາສະຫາຍກໍຍັງໄດ້ເອົາ ໃຈໃສ່ອົດທົນຜ່ານຜ່າທຸກຄວາມ ຫຍຸ້ງຍາກ ແລະ ປະຕິບັດໜ້າທີ່ ການເມືອງຂອງຕົນທີ່ສອງຊາດ-ສອງກອງທັບມອບໝາຍໃຫ້ຢ່າງ ຕັ້ງໜ້າ ແລະ ມີຜົນສຳເລັດເປັນ ກ້າວໆ.