ທ່ານ ຈ້າວເຫວີຍ ປະທານສະພາບໍລິຫານ ເຂດເສດຖະກິດພິເສດ ສາມຫຼ່ຽມຄຳ ໄດ້ເດີນທາງໄປຢ້ຽມຢາມແຂວງ ຫົວພັນ ແລະ ແຂວງ ຊຽງຂວາງ

ໃນວັນທີ 13-14 ພະຈິກ 2020 ທີ່ຜ່ານມາ ທ່ານ ຈ້າວເຫວີຍ ປະທານສະພາບໍລິຫານ ເຂດເສດຖະກິດພິເສດ ສາມຫຼ່ຽມຄຳ ໄດ້ເດີນທາງໄປຢ້ຽມຢາມແຂວງ ຫົວພັນ ແລະ ແຂວງ ຊຽງຂວາງເຊິ່ງຈຸດປະສົງໃນການເດີນທາງໃນຄັ້ງນີ້ແມ່ນເພື່ອດຳເນີນການສຳຫຼວດພື້ນທີ່ສິ່ງແວດລ້ອມທີຈະດຳເນີນການລົງທຶນ

ວັນທີ13 ພະຈິກ 2020ທີ່ເມືອງວຽງໄຊແຂວງຫົວພັນ, ທ່ານ ວັນໄຊ ແພງຊຸມມາ ເຈົ້າແຂວງ ແຂວງຫົວພັນ ພ້ອມດ້ວຍເລຂາພັກແຂວງໄດ້ຕ້ອນຮັບ ທ່ານ ຈ້າວເຫວີຍ ປະທານສະພາເຂດເສດຖະກິດ ສາມຫຼ່ຽມຄຳ ພ້ອມດ້ວຍຄະນະ ຢ່າງອົບອຸ່ນ,

ພ້ອມນັ້ນຍັງໄດ້ນຳພາຄະນະຜູ້ແທນໄປສຳຫຼວດທີ່ດິນທີ່ໃກ້ກັບສະໜາມບິນໃໝ່ເພື່ອນຳໃຊ້ເປັນເຂດພັດທະນາເສດຖະກິດ ແລະ ໄດ້ໄປຢ້ຽມຊົມສະໝາມບິນທີ່ກຳລັງກໍ່ສ້າງໃໝ່ ແລະ ຈະເປີດນຳໃຊ້ໃນໄວໆນີ້,ນອກຈາກນັ້ນຍັງທ່ຽວຊົມສະຖານທີ່ທີມີຊື່ສຽງຂອງແຂວງຫົວພັນ ນັ້ນກໍຄື”ຖ້ຳວຽງໄຊ”ທ່ຽວຊົມຮ່ອງຮອຍປະຫວັດສາດທີ່ຢູ່ພາຍໃນຖ້ຳ.

ວັນທີ14 ພະຈິກ 2020 ໄດ້ເດີນທາງໄປເມືອງໂພນສະຫວັນ ແຂວງ ຊຽງຂວາງ,ໂດຍທ່ານ ບຸນຕົ້ນ ຈັນທະພອນ ເຈົ້າແຂວງ ແຂວງ ບຽງຂວາງ ພ້ອມດ້ວຍເລຂາພັກແຂວງໄດ້ຕ້ອນຮັບຢ່າງອົບອຸ່ນ,ພ້ອມນຳພາສຳຫຼວດພື້ນທີ່ພັດທະນາທີ່ວາງແຜນໄວ້ເພື່ອປະເມີນຄວາມເປັນໄປໄດ້ຂອງໂຄງການທ່ອງທ່ຽວ,ກະສິກຳ ແລະ ສຸຂະພາບ.

ເຊິ່ງບໍລິເວນດັ່ງກ່າວ, ມີທິວທັດທີ່ສວຍງາມ ແລະ ຕິດກັບແມ່ນ້ຳອູ,ຫຼັງຈາກນັ້ນໄດ້ໄປຢ້ຽມຢາມສະຖານທີ່ທ່ອງທ່ຽວທີ່ມີຊື່ສຽງຂອງແຂວງຊຽງຂວາງ ແລະຍັງເປັນສະຖານທີ່ມໍລະດົກໂລກຂອງປະເທດລາວ ນັ້ນກໍຄື “ທົ່ງໄຫຫີນ” ໃນການພົບປະໃນຄັ້ງນີ້ເຈົ້າແຂວງ ແຂວງຊຽງຂວາງ ທ່ານ ບຸນຕົ້ນ ຈັນທະພອນ

ໄດ້ກ່າວເຖິງການຈັດໂຄງການວິຊາຊີບ ແລະ ບຸກຄະລາກອນດ້ານວິຊາການເພື່ອດຳເນີນການສາທິດ ແລະ ນຳພານັກທຸລະກິດລຸ້ນ ໃໝ່ຂອງຈີນເຂົ້າມາລົງທຶນໃນລາວ, ພ້ອມທັງຫວັງວ່າລັດຖະບານ,ແຂວງ ສາມາດໃຫ້ນັກລົງທຶນມີຂໍ້ສະດວກ ແລະ ນະໂຍບາຍຫຼາຍຂຶ້ນ