ປກສ ເມືອງ ສີສັດຕະນາກມອບລົດຈັກ 10 ຄັນຄືນເຈົ້າຂອງ

ພັທ ສຸບັນໄຊ ບຸນມະນີວົງ ຮອງຫົວໜ້າພະແນກຕໍາຫຼວດ ກອງບັນຊາການ ປກສ ເມືອງສີສັດຕະນາກ ນະຄອນຫຼວງວຽງຈັນ ໄດ້ມອບລົດຈັກຈໍານວນ 10ຄັນ ທີ່ເຈົ້າໜ້າທີ່ເກັບກູ້ຄືນມາໄດ້ຈາກຄົນບໍ່ດີລັກໄປຄືນໃຫ້ເຈົ້າຂອງລົດ ໃນຕອນເຊົ້າຂອງວັນທີ 18 ພະຈິກ 2020, ຢູ່ຄ້າຍກັກຂັງຊົ່ວຄາວດົງສະຫວາດ ຕາງໜ້າຮັບໂດຍທ່ານນາງ ມະລັດດາ ຈັນທິລາດ ເຈົ້າຂອງລົດຈັກເລກທະບຽນ ຍຜ 3262 ກໍາເເພງນະຄອນ, ມີພະນັກງານ-ນັກຮົບ ແລະ ບັນດາເຈົ້າຂອງລົດເຂົ້າຮ່ວມ.

ພັທ ສຸບັນໄຊ ບຸນມະນີວົງ ໃຫ້ຮູ້ວ່າ: ລົດຈັກຈໍານວນ 10 ຄັນ ທີ່ນໍາມາມອບຄືນໃຫ້ເຈົ້າຂອງລົດໃນຄັ້ງນີ້ ມີລົດຈັກເລກທະບຽນ ຄຂ 6824 ກໍາແພງນະຄອນ; ເລກທະບຽນ ຍຜ 3262 ກໍາເເພງນະຄອນ; ເລກທະບຽນ ດພ 3774 ກໍາແພງນະຄອນ;

ເລກທະບຽນ ຈຫ 1853 ກໍາແພງນະຄອນ; ເລກທະບຽນ ຍພ 6948; ເລກທະບຽນ ດບ 8357 ກໍາເເພງນະຄອນ; ເລກທະບຽນ ດຫ 0894 ກໍາແພງ; ເລກທະບຽນ ຈຂ 2890 ກໍາແພງນະຄອນ; ລົດຈັກເລກຈັກ LTMH124847, ເລກຖັງ LT125FMH124847 ແລະ ລົດຈັກໝາຍເລກທະບຽນ ຍນ 1913 ກໍາແພງນະຄອນ.

ໂອກາດດຽວກັນ ທ່ານ ສົມສັກ ເຈົ້າຂອງລົດເລກຈັກ LTMH124847, ເລກຖັງ LT125FMH124847 ໄດ້ກ່າວສະແດງຄວາມຂອບໃຈ ແລະ ຍ້ອງຍໍຊົມເຊີຍຕໍ່ເຈົ້າໜ້າທີ່ຕໍາຫຼວດ ທີ່ເອົາໃຈໃສ່ປະຕິບັດໜ້າທີ່ວຽກງານຢ່າງຕັ້ງໜ້າ ຈົນສາມາດເກັບກູ້ລົດທີ່ຖືກລັກໄປຄືນມາໄດ້; ພ້ອມທັງຝາກເຕືອນສະຕິຜູ້ທີ່ມີຊັບສິນເປັນຕົ້ນແມ່ນ ( ລົດຈັກ ) ໃຫ້ເອົາໃຈໃສ່ຮັກສາຊັບສິນຂອງຕົນເອງໄວ້ໃຫ້ດີ ເພື່ອບໍ່ໃຫ້ຄົນບໍ່ດີລັກໄປໄດ້.