ບຸນນະມັດສະການພະທາດຫຼວງ ປີ 2020 ຈະບໍ່ມີຕະຫຼາດນັດ ແລະ ການຄົບງັນ

ການຈັດງານບຸນນະມັດສະການພະທາດຫຼວງ ປີ 2020 ຈະເນັ້ນໃສ່ປະເພນີທາງສາດສະໜາ ຫຼື ທາງດ້ານວັດທະນະທໍາເທົ່ານັ້ນ, ສ່ວນງານຕະຫຼາດນັດ ແລະ ການຄົບງັນຕ່າງໆເຊັ່ນ: ການແຂ່ງຂັນຕີມວຍ, ລໍາວົງ, ການສະແດງສິລະປະດົນຕີ, ການລະຫຼິ້ນຕ່າງໆ ແລະ ອື່ນໆທີ່ກ່ຽວກັບສິ່ງບັນເທິງແມ່ນບໍ່ມີ ທັງນີ້ກໍ່ເພື່ອເປັນການປ້ອງກັນການແຜ່ລະບາດຂອງພະຍາດໂຄວິດ-19.

ຫ້ອງວ່າການ ສູນກາງພັກ ໄດ້ອອກແຈ້ງການ ມື້ວັນທີ 15 ຕຸລາທີ່ຜ່ານມາ ເຖິງຫ້ອງການສໍານັກງານນາຍົກລັດຖະມົນຕີ ແລະ ຄະນະປະຈໍາພັກນະຄອນຫຼວຽງຈັນ ກ່ຽວກັບການຈັດງານບຸນດັ່ງກ່າວ

ເພື່ອເຜີຍແຜ່ໃຫ້ປະຊາຊົນ ແລະ ມວນຊົນທີ່ຈະເຂົ້າຮ່ວມໄດ້ຮັບຮູ້, ນອກນັ້ນກໍເພື່ອໃຫ້ປະຊາຊົນຜູ້ທີ່ເຂົ້າຮ່ວມໃນງານບຸນດັ່ງກ່າວຕ້ອງປະຕິບັດມາດຕະການປ້ອງກັນພະຍາດໂຄວິດ-19 ທີ່ທາງຄະນະສະເພາະກິດວາງອອກ.

ຂ່າວ: ວຽງຈັນທາຍ