ສາວງາມກິນຢາບໍ່ປຶກສາແພດໝໍ ອັນຕະລາຍແທ້ໆ ເກືອບເອົາຊີວິດບໍ່ລອດ (ເຕືອນເປັນອຸທາຫອນ)

“ເກືອບຕາຍ​ ຍ້ອນກິນຢາ ບໍ່ໄດ້ປຶກສາໝໍ” ເຕືອນເປັນອຸທາຫອນ​ ສອນສັງຄົມ,​ ກັບເລື່ອງທີ່ເກີດຂຶ້ນກັບສາວຄົນນີ້.

ເບື້ອງຕົ້ນ​ ເພິ່ນມີອາການເຈັບແຂ້ວ ແລ້ວໄດ້ໄປຊື້ຢາມາກິນ (ຢາໄອບູໂພຼເຟນ) ມື້ທຳອິດກິນໄປ 2​ ເມັດ,​ ມື້ທີສອງ ກິນອີກ 2​ ເມັດ​ (ເຊົ້າ1,​ ທ່ຽງ1).​

ຫຼັງຈາກນັ້ນກໍ່ເລີ່ມມີອາການເຈັບປວດຕາ,​ ເຈັບປາກ ແລະ ແສບຄໍ ກິນຫຍັງກໍ່ບໍ່ໄດ້…​ ກໍ່ອົດທົນມາຈົນຮອດມື້ທີ 3 ຮູ້ສຶກສິບໍ່ໄຫວແລ້ວ,​ ຈຶ່ງໄດ້ບອກແຟນພາໄປໂຮງໝໍແຕ່ເຊົ້າ.​

ໄປຮອດໂຮງໝໍແລ້ວ ແພດໝໍກໍ່ຟ້າວສົ່ງໂຕເຂົ້າຫ້ອງສຸກເສີນທັນທີ,​ ນາງສາວເພິ່ນໄດ້ຮັກສາໂຕໃນຫ້ອງສຸກເສີນເປັນເວລາ 7​ ວັນ,​ ແລະ​ ອອກແຕ່ຫ້ອງສຸກເສີນຫຼັງຈາກນັ້ນກໍ່ໄດ້ມາຮັກສາໂຕພັກພື້ນອີກ7 ວັນ​ ຈຶ່ງໄດ້ອອກຈາກໂຮງໝໍ,​ ຈຶ່ງກະຫ່າວວ່າລອດຕາຍ…!

ຂ່າວນີ້ບໍ່ໄດ້ມີເຈຕະນາດຶງຍອດໄລ໌ຍອດແຊຣ ແຕ່ຢ່າງໃດພຽງຢາກເອົາມາເຕືອນເປັນອຸທາຫອນ ສຳລັບຄົນທີ່ກິນຢາບໍ່ປຶກສາແພດໝໍເທົ່ານັ້ນ

(ຂໍອະໄພເລື່ອງລາວ ບໍ່ລະບຸວັນເວລາ,​ ສະຖານທີ່​ ແລະ​ ຊື່ໂຕລະຄອນ,​ ເນື່ອງຈາກເລື່ອງດັ່ງກ່າວ ແມ່ນໄດ້ມາຈາກຂ່າວປະເທດເພື່ອນບ້ານ)