ພາກສ່ວນຕ່າງໆ ສືບຕໍ່ມອບເງິນຊຸກຍູ້ກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ VII

ເພື່ອປະກອບສ່ວນຊຸກຍູ້ກອງປະຊຸມໃຫຍ່ຜູ້ແທນອົງຄະນະພັກແຂວງບໍລິຄໍາໄຊ ຄັ້ງທີ VII ທີ່ຈະໄຂຂຶ້ນໃນລະຫວ່າງວັນ 24-25 ກັນຍາ 2020 ໃຫ້ດຳເນີນໄປດ້ວຍຜົນສຳເລັດຢ່າງຈົບງາມ. ໃນວັນທີ 23 ກັນຍານີ້ ຢູ່ຫ້ອງຮັບຮອງຂອງແຂວງ ບັນດາບໍລິສັດຕ່າງໆໄດ້ສືບຕໍ່ມອບເງິນໃຫ້ແຂວງບໍລິຄຳໄຊ, ຕາງໜ້າໃຫ້ການນຳຂອງແຂວງກ່າວຮັບໂດຍ ທ່ານ ກອງແກ້ວ ໄຊສົງຄາມ ກໍາມະການສູນກາງພັກ ເລຂາພັກແຂວງ ເຈົ້າແຂວງບໍລິຄຳໄຊ ໂດຍມີອະນຸກຳມະການເສດຖະກິດ ແລະ ບັນດາບໍລິສັດເຂົ້າຮ່ວມເປັນສັກຂີພິຍານ.

ບັນດາບໍລິສັດທີ່ນຳເງິນມາປະກອບສ່ວນຊຸກຍູ້ກອງປະຊຸມໃນຄັ້ງນີ້ປະກອບມີ: ບໍລິສັດ ເພັດສະໝອນ 300 ລ້ານກີບ, ບໍລິສັດ VNLຈຳກັດຜູ້ດຽວ100 ລ້ານກີບ, ກຸ່ມບໍລິສັດຈະເລີນຊັບຄົບວົງຈອນ 100 ລ້ານກີບ ແລະ ບໍລິສັດໂລໂກຼດ 40 ລ້ານກີບ.

ພ້ອມນີ້ເພື່ອເປັນການຍ້ອງຍໍສັນລະເສີນ ແລະ ເປັນການຢັ້ງຢືນຕໍ່ຄຸນງາມຄວາມດີຂອງບັນດາບໍລິສັດດັ່ງກ່າວ, ແຂວງບໍລິຄຳໄຊ ຈຶ່ງໄດ້ມອບໃບກຽດຕິຄຸນໃຫ້ແຕ່ລະພາກສ່ວນຕ່າງໆທີ່ໄດ້ປະກອບສ່ວນຊຸກຍູ້ກອງປະຊຸມໃນຄັ້ງນີ້ ເຊິ່ງໃຫ້ກຽດມອບໂດຍ ທ່ານ ກອງແກ້ວ ໄຊສົງຄາມ.

Cr: ຫນັງສືພິມບໍລິຄໍາໄຊ