ຄວາມຄືບໜ້າ! ການຟື້ນຟູຜົນກະທົບຈາກໄພພິບັດ ຢູ່ເມືອງສະໜາມໄຊ, ເຮືອນຢູ່ຖາວອນ-ໂຮງຮຽນບ້ານຫີນລາດ ສຳເລັດແລ້ວ 95%

ທ່ານ ປອ. ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານ ສູນກາງແນວລາວສ້າງຊາດ ໄດ້ລົງເຄື່ອນໄຫວຢ້ຽມຢາມ ແລະ ຊຸກຍູ້ວຽກງານ ຟື້ນຟູຜົນກະທົບຈາກໄພພິບັດ ຢູ່ເມືອງສະໜາມໄຊ ແຂວງ ອັດຕະປື ໃນອາທິດຜ່ານມານີ້

ໂຄງການກໍ່ສ້າງຟື້ນຖານໂຄງລ່າງ ເປັນຕົ້ນແມ່ນ: ການກໍ່ສ້າງເຮືອນຢູ່ຖາວອນ, ໂຮງຮຽນບ້ານຫີນລາດມາຮອດປະຈຸບັນ ແມ່ນມີຄວາມສຳເລັດ 95 % , ໂຄງການກໍ່ຫ້ອງການທ່າແສງຈັນ ສຳເລັດປະມານ 40-45%, ສຸກສາລາບ້ານຫີນລາດມີຄວາມສຳເລັດປະມານ 80-85%, ເຂດຈັດສັນບ້ານຕະມໍຢອດ, ບ້ານດອນບົກທ່າແສງຈັນ ແລະ ບ້ານດົງບາກໃໝ່ຫີນຄໍາ ພ້ອມທັງຢ້ຽມຢາມຖາມຂ່າວຊີວິດການເປັນຢູ່ຂອງພໍ່ແມ່ປະຊາຊົນ ແລະ ຄູອາຈານ ແລະ ນ້ອງນັກຮຽນຢູ່ເຂດດັ່ງກ່າວ