ຝົນເຫລືອງ ກາບາບແຫ່ງສົງຄາມທີ່ສ້າງຄວາມເຈັບປວດໃຫ້ກັບຊາວຫວຽດນາມມາຈົນເຖິງປະຈຸບັນ

ໃນປະວັດສາດຂອງມະນຸດນັ້ນເລີ່ມມີການນຳສານເຄມີມາໃຊ້ເປັນອາວຸດຢ່າງຈິງຈັງຊ່ວງສົງຄາມໂລກຄັ້ງທີ່ 1 ຊື່ງອາວຸດເຄມີນັ້ນມີຂໍ້ດີຢູ່ບ່ອນທີ່ສາມາດໂຈມຕີໄດ້ຄັ້ງລະຫລາຍໆ ໃນພື້ນທີ່ກຳນົດ ແຖມຍັງສາມາດຊອກຊອນເຂົ້າໄປໄດ້ໃນທຸກມຸມທີ່ອາກາດເຂົ້າໄປເຖິງຈື່ງເຮັດໃຫ້ເປັນອາວຸດທີ່ຄ່ອນຂ້າງມີພະລັງທຳລາຍລ້າງສູງ ເຮັດໃຫ້ໃນປີ 1993 ອົງການສະຫະປະຊາຊາດຈື່ງໄດ້ອອກກົດອານຸສັນຍາວ່າດ້ວຍອາວຸດເຄມີອອກມາເພື່ອຫ້າມບໍ່ໃຫ້ມີການນຳມາໃຊ້ໃນສົງຄາມ

ແຕ່ຖ້າຍ້ອນໄປກ່ອນຫນ້ານັ້ນອາວຸດເຄມີຖືກນຳມາໃຊ້ກັນໃນຫລາຍສະມໍລະພູມ ຝົນເຫລືອງ ຄືໃນຫນື່ງອາວຸດເຄມີທີ່ສ້າງບັນຫາໃຫ້ກັບພົນລະເຮືອນມາຈົນເຖິງທຸກວັນນີ້ແມ່ນວ່າມັນຈະຖືກໃຊ້ໄປດົນກວ່າ 40 ປີທີ່ແລ້ວກໍ່ຕາມ ຕົ້ນກຳເນີດຂອງ ຝົນເຫລືອງມາຈາກສານເຄມີທີ່ຖືກຜະລິດອອກມາເພື່ອໃຊ້ໃນການກະສິກຳ ໂດຍນຳມາໃຊ້ເພື່ອເພີ່ມຜົນຜະລິດຖົ່ວເຫລືອງຂອງຊາວກະສິກອນອາເມຣິກາ ນອກຈາກນີ້ຍັງສາມາດໃຊ້ກຳຈັດສັດຕູພືດເພື່ອໃຫ້ຄ່ອຍໆ ແຫ້ງຕາຍ ແລະຍັງສາມາດເຮັດອັນຕະລາຍຕໍ່ມະນຸດໂດຍການຊືມເຂົ້າທາງຜິວຫນັງ ມັນຈື່ງຖືກນຳມາໃຊ້ເປັນອາວຸດເຄມີໃນສົງຄາມ ໂດຍທາງກອງທັບອາເມຣິກາໄດ້ນຳມາວິໄຈຕໍ່ ແລະນຳມາໃຊ້ໂຈມຕີກອງທັບຫວຽດກົງໃນສົງຄາມຫວຽດນາມ

ສິ່ງຫນື່ງທີ່ຄອຍກໍ່ກວນກອງທັບອາເມຣິກາໃນສົງຄາມຫວຽດນາມກໍ່ຄືຄວາມສາມາດໃນການຫລົບລີ້ຕົວຂອງທະຫານຫວຽດກົງທີ່ໃຊ້ຄວາມໄດ້ປຽບໃນພູມປະເທດທີ່ເປັນປ່າຕືບ ແລະການຂຸດອຸມົງໃຕ້ດິນ ເຮັດໃຫ້ການໂຈມຕີທາງອາກາດເປັນໄປໄດ້ຍາກເພາະຕົ້ນໄມ້ບົດບັງທັດສະນະວິໄສ ອາວຸດຕ່າງໆເຊັ່ນ ລະເບີດນາປາລົມ ລະເບີດຟອສຟໍຣັສຈື່ງຖືກນຳມາໃຊ້ເພື່ອການໂຈມຕີແບບຊອກຊອນລວມໄປເຖິງຝົນເຫລືອງອາເມຣິກາຖືວ່າເປັນປະເທດທີ່ມີມະຕິທີ່ວ່າ ຖ້າເພື່ອທຳລາຍເປົ້າຫມາຍ ຕໍ່ໃຫ້ເຜົາປ່າໄລ່ຫນູໂຕດຽວກໍ່ສາມາດເຮັດໄດ້ ຝົນເຫລືອງ ມາໃຊ້ກັບຫວຽດນາມກວ່າ 77 ລ້ານລິດຣ ໂດຍມີເປົ້າຫມາຍໃຫ້ທະຫານອາກາດສາມາດທີ່ເບິ່ງລົງມາຜ່ານປ່າຕືບໄດ້ ຊື່ງປະຕິບັດການນີ້ມີຊື່ຮຽກວ່າ “Operation Ranch Hand” ໂດຍທະຫານອາເມຣິກາໃຊ້ທັງເຮລິຄອບເຕີ ແລະເຮືອບິນລຳລຽງໂຮຍຝົນເຫລືອງລົງເທີງພື້ນທີ່ປ່າກວ່າ 12,500,000 ໄຮ່ ຊື່ງມັນກໍ່ໄດ້ຜົນບໍລິເວນປ່າທີ່ຖືກຝົນເຫລືອງ ຕົ້ນໄມ້ແຫ້ງຕາຍໃບໄມ້ຕ່າງໆຫລົ່ນລົງສູ່ພື້ນຈົນກາຍເປັນຕົ້ນໄມ້ໂກ່ໂດ່ຫມົດເກືອບທັງປ່າ

ແຕ່ຜົນທີ່ໄດ້ຮັບນັ້ນຫລາຍກວ່າທີ່ຄິດໄວ້ຈົນກາຍເປັນຄວາມອັບປະຍົດຊາວບ້ານໃນພື້ນທີ່ນັ້ນຕ່າງໄດ້ຮັບຜົນກະທົບຈາກຝົນເຫລືອງທີ່ຊືມເຂົ້າສູ່ຮ່າງກາຍຜ່ານທາງຜິວຫນັງ ແລະລະບົບທາງເດີນຫາຍໃຈ ຫາກມະນຸດໄດ້ຮັບເຂົ້າໄປຈະສົ່ງຜົນໃຫ້ປວດແສບປວດຮ້ອນຜິວຫນັງພອງປານຖືກໄຟໄຫມ້ຍິ່ງຖ້າໄດ້ຮັບເກີນກວ່າຮ່າງກາຍຈະທົນໄຫວກໍ່ຈະເຮັດໃຫ້ເກີດອາການຊັກຈົນບໍ່ສາມາດຄວບຄຸມຕົວເອງໄດ້ ແລະອາດຈະເຮັດໃຫ້ເປັນອຳມະພາດຫລືສະຫມອງພິການໄດ້ໃນທັນທີ

ບໍ່ພຽງເທົ່ານັ້ນ ຫລັງຈາກທີ່ສົງຄາມສິ້ນສຸດລົງດ້ວຍຄວາມພ່າຍແພ້ຂອງອາເມຣິກາ ຝົນເຫລືອງທີ່ໂຮຍໄປແລ້ວນັ້ນຍັງບໍ່ຫມົດລິດຂອງມັນ ສານພິດທີ່ຢູ່ໃນຝົນເຫລືອງນັ້ນຍັງຕົກຄ້າງຢູ່ໃນດິນ ໃນນ້ຳ ແລະໃນໂຕຂອງຜູ້ຄົນທີ່ໄດ້ສຳຜັດມັນ ເດັກນ້ອຍຈຳນວນຫລາຍທີ່ເກີດມາຫລັງຈາກສົງຄາມຫວຽດນາມມີຮ່າງກາຍທີ່ພິການເນື່ອງຈາກແມ່ຂອງພວກເຂົາເຄີຍຖືກຝົນເຫລືອງຍັງບໍ່ລວມຍິງຖືພາທີ່ເກີດການແທ້ງລູກ ເດັກນ້ອຍຕາຍໃນທ້ອງ ຊື່ງຈຳນວນຂອງຜູ້ທີ່ໄດ້ຮັບຜົນກະທົບຂອງພິດຈາກຝົນເຫລືອງນັ້ນມີຫລາຍກວ່າລ້ານຄົນ ອັນໄດ້ສ້າງຄວາມເຈັບປວດໃຫ້ກັບຊາວຫວຽດນາມມາຈົນເຖິງປະຈຸບັນ