ຢູເຄຣນພ້ອມຂາຍ BM-21 ລຸ້ນອັບເກຣດໃຫ່ມ

ລັດວິສະຫະກິດຢູໂຄຣໂບຣອນພຣອມ (Ukroboronprom) ໄດ້ນຳລະບົບຈະຫລວດແບບຫລາຍລຳກ້ອງ BM-21 ອອກສະແດງເປັນຄັ້ງທຳອິດໃນວັນອັງຄານ 9 ຕຸລາ 2018 ໃນງານສະແດງອາວຸດທີ່ຈັດໃນນະຄອນຄຽບ (Kiev) ນີ້ຄືລະບົບຈະຫລວດຫລາຍລຳກ້ອງຫລື Multiple Rocket Launcher System ຂອງໂຊຫວຽດທີ່ພັດທະນາກ້າວຫນ້າຫລາຍທີ່ສຸດໃນຍຸກຫລັງສົງຄາມເຢັນ ເນື່ອງຈາກຄວບຄຸມການຍິງດ້ວຍລະບົບດິຈິຕອລທັງຫມົດ ລວມທັງລະບົບສຸ່ມຫາເປົ້າຫມາຍ ກັບລະບົບລາຍງານຜົນທີ່ເຊື່ອມຕໍ່ກັບຍານໄຮ້ຄົນຂັບ

ຈະຫລວດຊຸດລຸ້ນໃຫ່ມຫລ້າສຸດຕິດຕັ້ງເທິງລົດບັນທຸກລໍ້ຢາງຂະຫນາດ 9 ໂຕນ 4×4 ຄຣາຊ (KrAz) ລຸ້ນໃຫ່ມທີ່ຜະລິດໃນປະເທດໃຊ້ເຄື່ອງຈັກກາຊວນ ແຊສຊີຍາວກວ່າເກົ່າ ບັນທຸກຈະຫລວດໄດ້ຫລາຍກວ່າເດີມຈາກ 40 ເປັນ 50 ລູກ ຊ້ຳຍັງແລ່ນໄດ້ໄກກວ່າ ແລະໄວກວ່າ ອູຣາລ 375 (Ural 375) ລໍ້ຢາງ 6×6 ດັ້ງເດີມ ຊື່ງເປັນແພລ໊ດຟອມທີ່ໃຊ້ຈັກແອັດຊັງຂອງໂຊຫວຽດ ແລະແລ່ນໄວກວ່າແພລ໊ດຟອມຊິລ (Zil) ທີ່ຣັດເຊຍນຳໄປໃຊ້ແທນໃນ BM-21 ຮູ່ນຫລັງໆ ຈາກລະຫັດເດີມຄື BM-21U ລະບົບຈະຫລວດຂອງຢູເຄຣນ ໄດ້ກາຍມາເປັນ BM-21MU ໂດຍອັກສອນ “M” ບົ່ງບອກການເປັນລຸ້ນທີ່ພັດທະນາໃຫ້ທັນສະໄຫມ ຫລື Modernized ນັ້ນເອງ

ຈະຫລວດຊຸດ MRLS ຂອງໂຊຫວຽດ/ຣັດເຊຍນັ້ນມີຊື່ຮຽກວ່າ ກຣາດ (Grad) ຊື່ງມີຄວາມຫມາຍໃນພາສາອັງກິດວ່າ ຫມາກເຫັບ ເວີຊັ່ນ U ຂອງຢູເຄຣນກໍ່ຍັງຮຽກຊື່ດຽວກັນແຕ່ລຸ້ນພັດທະນາຫລ້າສຸດໄດ້ຊື່ໃຫ່ມເປັນ ເບເຣສ (Berest) ຕາມຊື່ຂອງແຫລ່ງທີ່ຜະລິດ ຄາດວ່າເບເຣສຈະເຂົ້າແທນທີ່ BM-21 Grad ທີ່ກອງທັບຢູເຄຣນໃຊ້ຢູ່ໃນປະຈຸບັນ ການນຳດິຈິຕອລເທັກໂນໂລຢີໃຫ່ມໆມາໃຊ້ ແລະ ຕິດຕັ້ງເທີງແຊສຊີທີ່ຜະລິດຂື້ນໃຫ່ມໃນປະເທດ ໄດ້ເພີ່ມຂີດຄວາມສາມາດໃນການສູ້ຮົບຂອງ MRLS ລຸ້ນນີ້ຢ່າງຫລາກຫລາຍ ຢູໂຄຣໂບຣອນພຣອມ ຊື່ງເປັນລັດວິສະຫະກິດກຳກັບດູແລການຜະລິດ ແລະສົ່ງອອກອາວຸດຍຸດໂທປະກອນ ໃນສັງກັດກະຊວງປ້ອງກັນປະເທດຢູເຄຣນລະບຸໃນເອກະສານຖະແຫຼງຂ່າວອັນຫນື່ງ ທີ່ອອກໃນວັນແລກຂອງງານສະແດງອາວຸດວ່າ ຟີເຈີຫລັກໆທີ່ໂດດເດັ່ນສຳລັບ BM-212MU ກໍ່ຄືທຸກຢ່າງເຮັດວຽກໂດຍອັດຕະໂນມັດ ມີຟັງຊັ່ນທີ່ໃຫ້ຄົນຕ້ອງເຂົ້າໄປເຮັດຫນ້ອຍຫລາຍ ພ້ອມກັບຂີດຄວາມສາມາດໃນການຄວານຫາຕຳແຫນ່ງຂອງເປົ້າຫມາຍ ທຸກຢ່າງທຳຈາກໃນຫ້ອງຄວບຄຸມໂດຍສານ ທີ່ກວ້າງຂວາງສຳລັບ 5 ຄົນເຈົ້າຫນ້າທີ່ບໍ່ຕ້ອງອອກຈາກຫ້ອງຄວບຄຸມຄືກັບໃນລຸ້ນກ່ອນ

ລະບົບໃຫ່ມຍັງບູລະນາການເຂົ້າກັບຂໍ້ມູນທີ່ສົ່ງຈາກໂດຣນ ເພື່ອກຳນົດເປົ້າຫມາຍທີ່ຈະໂຈມຕີ ລວມທັງຍັງມີລະບົບຕໍ່ຕ້ານເຣດາຣ ແລະ ອື່ນໆ ອີກຈຳນວນຫນື່ງ ລັດວິສາຫະກິດແຫ່ງນີ້ຍັງລະບຸໃນຄຳຖະແຫຼງອີກວ່າ ເຖິງແມ່ນວ່າຈະທັນສະໄຫມຍິ່ງກວ່າ ດີພຽບພ້ອມ ມີອຳນາດການຍິງສູງກວ່າ ຍິງໄດ້ໄວກວ່າ ກຣາດກໍ່ຕາມ ແບເຣສຍັງມີລາຄາຖືກກວ່າອີກດ້ວຍ
ແພລ໊ດຟອມ KrAz ຮຸ່ນໃຫ່ມ ເປັນລົດບັນທຸກຫົວຕັດ ຈັດເປັນສອງແຖວມີ 4 ປະຕູ ສື່ຢູເຄຣນລາຍງານກ່ອນຫນ້ານີ້ວ່າ ໃຊ້ຢາງຫນ້າກວ້າງທີ່ປັບຄວາມດັນອັດຕະໂນມັດ ເພື່ອແລ່ນໄປເທີງຜິວຈະລາຈອນທີ່ຕ່າງກັນ ເຊັ່ນແລ່ນເທີງຖະຫນົນຄອນກຣີດກັບແລ່ນແບບອ໊ອຟໂຣດ ຕິດຕັ້ງຖັງເຊື້ອເພີງ 2 ຖັງລວມປະລິມາດ 165 ລິດ ໄປໄກສຸດເຖິງ 600 ກິໂລແມັດ ຂື້ນຢູ່ກັບການຈັດແຕ່ງລ່ວງຫນ້າ ເພື່ອໃຫ້ເຫມາະກັບການໃຊ້ງານພາລະກິດທີ່ຕ່າງກັນ ບ່ອນນັ່ງພາຍໃນຫ້ອງໂດຍສານທັງ 5 ປັບເອນຫລືປັບຊ້າຍຂວາດ້ວຍໄຟຟ້າ ສະດວກສະບາຍທັນສະໄຫມ ແລະເເບເຣສ ສາມາດທຳຄວາມໄວໄດ້ສູງສຸດເຖິງ 90 ກິໂລແມັດ/ຊົ່ວໂມງ