ຄວາມຍິ່ງໃຫ່ຍແຫ່ງອາລິຍະທຳອິນຄາ ມາຊູປິກຊູ

ໃນຍຸກຮຸ່ງເຮືອງເຖິງຂີດສຸດ ຈັກກະວັດອິນຄາແຜ່ແສນຍານຸພາບກວ້າງໃຫ່ຍໄພສານເປັນໄລຍະທາງ 4,023 ກິໂລແມັດຕາມແນວຊາຍຝັ່ງມະຫາສະຫມຸດປາຊີຟິກຂອງອາເມຣິກາໃຕ້ ຈາກດິນແດນທີ່ໃນປະຈຸບັນຄືປະເທດເອກວາດໍລົງໄປເຖິງຊິລີຄວາມຍາວໄກອັນໄພສານນີ້ທຽບໄດ້ກັບຄວາມກວ້າງຂອງດິນແດນພາກພື້ນທະວີບຂອງອາເມຣິກາທັງປະເທດ


ມາຊູປິກຊູຕັ້ງຢູ່ໃຈກາງຂອງຈັກກະວັດອັນໃຫ່ຍ ແລະເປັນຫນື່ງໃນມໍລະດົກອະລິຍະທຳອິນຄາພຽງບໍ່ເທົ່າໃດແຫ່ງທີ່ຢູ່ໃນສະພາບສົມບູນຢ່າງຫນ້າອັດສະຈັນ ມາຊູປິກຊູສ້າງຂື້ນປະມານກາງສັດຕະວັດທີ່ 15 ທີ່ສະແດງເຖິງພູມປັນຍາທາງວິສະວະກຳຂອງຊາວອິນຄາ ພວກເຂົາສ້າງສິ່ງກໍ່ສ້າງຕ່າງໆ ຂອງມາຊູປິກຊູ ຕັ້ງແຕ່ ຜາສາດລາຊະວັງ ປ້ອມປາການ ສະຫນາມຈະຕຸລັດ ຈົນເຖິງໂຄງສ້າງພື້ນຖານອື່ນໆ ຈາກຫີນ ໂດຍປາສະຈາກເຄື່ອງທຸ່ນແຮງຢ່າງລໍ້ ແລະເຄື່ອງມືທີ່ເຮັດຈາກເຫຼັກຫລືເຫຼັກກ້າ

ຈຸດເດັ່ນປະການຫນື່ງຂອງການກໍ່ສ້າງແບບອິນຄາ ຄືການບໍ່ເພິ່ງພາປູນຊື່ງມັກໃຊ້ເປັນໂຕຍຶດຫີນເຂົ້າກັນ ຢ່າງໃດກໍ່ຕາມ ຫີນທຸກກ້ອນທີ່ມາຊູປິກຊູໄດ້ຮັບການຕັດແຕ່ງຢ່າງປານີດແລະແມ້ນຢຳຈົນຮຽງຊ້ອນກັນໄດ້ຢ່າງແຈບສະນິດ ມາຊູປິກຊູມັກປະເຊີນໄພຈາກແຜ່ນດິນໄຫວ ແຕ່ເນື່ອງຈາກຫີນໄດ້ຮັບການຕັດແຕ່ງຢ່າງແມ້ນຢຳຈົນຫນ້າອັດສະຈັນ ເມື່ອເກີດແຫ່ງສັ່ນສະເທືອນຈື່ງເບິ່ງຄືກັບສາມາດໂດດ ຫລືເຕັ້ນໄດ້ ແລະກັບເຂົ້າທີ່ເກົ່າໄດ້ຢ່າງວ່ອງໄວ ແລະງ່າຍດາຍ ອັດສະຈັນທາງວິສະວະກຳນີ້ຊ່ວຍຮັກສາສະພາບຂອງມາຊູປິກຊູໄດ້ດີກວ່າ 500 ປີ


ປິດສະຫນາຂໍ້ໃຫ່ຍທີ່ສຸດຂໍ້ຫນື່ງຂອງມາຊູປິກຊູຄື ສ້າງຂື້ນເພື່ອຫຍັງ? ຂໍ້ສັນນິຖານຂອງນັກບູຮານຄະດີມີຕັ້ງແຕ່ໃຊ້ເປັນສະຖານທີ່ປະກອບພິທີກຳ ທີ່ຫມັ້ນທາງທະຫານໄປຈົນເຖິງສະຖານທີ່ພັກຜ່ອນຂອງຊົນຊັ້ນສູງ ທີ່ຕັ້ງທາງພູມມີສາດ ແລະແຜນຜັງຂອງມາຊູປິກຊູອາດມີຄວາມສຳຄັນໃນອີກແງ່ຫນື່ງ ພູມີທັດທາງທຳມະຊາດ ແລະໂຄງສ້າງທີ່ມະນຸດສ້າງຂື້ນຫລາຍຢ່າງເບິ່ງຄືຈະຈະສອດຄ່ອງກັບປາກົດການທາງດາຣາສາດ

ແຕ່ພໍເຖິງສັດຕະວັດທີ່ 16 ຫລືຫລັງຈາກສ້າງໄດ້ພຽງຮ້ອຍປີມາຊູປິກຊູກັບຖືກຖິ້ມຮ້າງ ແລະເນື່ອງຈາກອະລິຍະທຳອິນຄາບໍ່ມີພາສາຂຽນ ຈື່ງບໍ່ມີຫລັກຖານໃດຫລົງເຫລືອທີ່ອະທິບາຍເຖິງວັດຖຸປະສົງການກໍ່ສ້າງແມ່ນວ່າຊຸມຊົນໃນທ້ອງຖິ່ນຈະຮູ້ເຖິງການມີຢູ່ຂອງມາຊູປິຊູມານານແລ້ວ ແຕ່ກໍ່ບໍ່ເປັນທີ່ຮັບຮູ້ຂອງໂລກພາຍນອກມາຫລາຍຮ້ອຍປີແມ່ນແຕ່ຊາວສະເປນຜູ້ພິຊິດອິນຄາກໍ່ບໍ່ເຄີຍຄົ້ນພົບມາຊູປິກຊູ


ຈົນກະທັ່ງເວລາຜ່ານເລີຍມາເຖິງຕົ້ນສັດຕະວັດທີ່ 20 ເມື່ອຊາວນາໃນພື້ນທີ່ຄົນຫນື່ງນຳສາດສະດາຈານຈາກມະຫາວິທະຍາໄລເຍລຊື່ ໄຮແຣມ ບິງແກມ ໄປຍັງມາຊູປິກຊູ ເລື່ອງລາວຂອງສະຖາປັດຕະຍະກຳອັນຫນ້າອັດສະຈັນນີ້ຈື່ງຖືກເປີດເຜີຍຕໍ່ສາຍຕາຊາວໂລກ ພໍເຖິງປີ 1983 ຢູເນສໂກກໍ່ປະກາດຂື້ນທະບຽນມາຊູປິກຊູເປັນມໍລະດົກໂລກ

ທຸກວັນນີ້ ຜູ້ຄົນນັບລ້ານຈາກທົ່ວໂລກດັ້ນດົ້ນມາຢ້ຽມຢາມມາຊູປິກຊູ ອັດສະຈັນທາງວິສະວະກຳອັນຢືນຍົງຂອງຈັກກະວັດອິນຄາທີ່ຂື້ນຊື່ວ່າຍິ່ງໃຫ່ຍທີ່ສຸດແຫ່ງຫນື່ງຂອງທະວີບອາເມຣິກາໃຕ້